Isroil 17-iyul kuni BMT Bosh assambleyasiga 2030-yilga qadar Barqaror rivojlanish maqsadlari (BRM)ga bag‘ishlangan ilk ixtiyoriy milliy hisobotini taqdim etdi. Bu haqda “Daryo”ga Isroilning O‘zbekistondagi elchixonasi matbuot xizmati ma’lum qildi.
Ushbu dastur Jahon bo‘ylab sog‘liqni saqlash bo‘yicha xalqaro tashabbusning bir qismi bo‘lib, uning asosiy e’tibori rivojlanayotgan davlatlar uchun sog‘liqni saqlash, qishloq xo‘jaligi va suv resurslari sohasidagi gumanitar muammolarga qaratilgan.
O‘zbekistonda MAShAV diplomatik aloqalarni o‘rnatishning dastlabki kunlaridan buyon faol ishlamoqda va so‘nggi 28 yil ichida 1600 dan ortiq o‘zbekistonlik mutaxassislar Isroilda va O‘zbekistonda tashkil etilgan o‘quv kurslarida ishtirok etgan. Mazkur o‘quv kurslari tibbiyot, qishloq xo‘jaligi tarmog’i va ta’lim tizimining turli masalalariga bag‘ishlangan. O‘tgan yili Isroilda MAShAV kurslarida 75 kishi malaka oshirgan. O‘zbekiston agentlik uchun ustuvor ahamiyatga ega bo‘lgan davlat hisoblanadi.
Bundan tashqari, joriy yilning bahor faslida Buxoro va Toshkentda agroforumlar tashkil etilgan. Ularga Isroilning 15 yetakchi kompaniyasi o‘z yutuqlari bilan o‘rtoqlashish va o‘zbekistonlik sheriklar bilan ishbilarmonlik aloqalarini o‘rnatish uchun taklif qilindi. Bir necha kompaniyalar allaqachon O‘zbekistonda faol ishlamoqda va tomchilatib sug‘orish va issiqxonalarda dehqonchilik sohasida loyihalarni amalga oshirmoqda. Yaqinda O‘zbekiston vazirlik va idoralari vakillari Jahon banki ko‘magi bilan Isroilga tashrif buyurib, kommunal tizimlarni boshqarishning samarali va zamonaviy modellari bilan tanishdi.
Shu yilning may oyida esa “Eye from Zion” tashkilotining isroillik oftalmologlari Toshkent va Samarqand klinikalarida maslahat va o‘nlab jarrohlik amaliyotlarini o‘tkazdi. O‘tgan hafta Andijon viloyatida istiqomat qiluvchi, tug‘ma yurak kasalligi bo‘lgan 3 yoshli Xusan “Volfson” tibbiyot markazida muvaffaqiyatli operatsiya qilindi. Xusanning Isroilda yashashi va operatsiyasi bilan bog‘liq bo‘lgan barcha xarajatlarni “Bolaning yuragini qutqaring” tashkiloti to‘laligicha qoplab bergan.
“Bolaning yuragini qutqaring” xayriya tashkiloti faoliyati Isroilning “Hech kim orqada qoldirilmasligi lozim” tamoyilini hayotga tatbiq etishining va BMTning 2030-yilga qadar Barqaror rivojlanish maqsadlarini amalga oshirilishining yorqin namunasidir. Ushbu tashabbuslar asosida Isroilning yetakchi bolalar kardiologlari, oftalmologlari va neonologlarining O‘zbekistonga uyushtiriladigan ish safarlari rejalashtirilgan.
Izoh (0)