AQSh Kongressi quyi palatasi a’zosi, 2020-yilda o‘tkaziladigan prezidentlik saylovlarida Demokratlar partiyasidan nomzod etib ko‘rsatilgan Tulsi Gabbard Google kompaniyasini sudga berdi, deb xabar qiladi “TASS”.
Bunga Google tomonidan saylov kampaniyasiga tegishli akkaunt vaqtinchalik bloklab qo‘yilgani sabab bo‘lgan.
The New York Times’ning yozishicha, AQSh prezidentiligiga nomzod yirik telekommunikatsiya kompaniyasini tarixda birinchi bor sudga bermoqda. Da’vo arizasi Los-Anjeles federal sudiga ko‘rib chiqish uchun yuborilgan.
Ma’lum qilinishicha, Google Tulsining saylov kampaniyasining targ‘ibot o‘tkazish va ixtiyoriy ravishda ehsonlarni yig‘ishga mo‘ljallangan akkauntini 27—28-iyun kunlari olti soatga bloklab qo‘ygan. Da’voda ko‘rsatilishicha, bu orqali Google ma’lum miqdordagi ehsonlarning yig‘ilishi va saylovchilarga o‘z g‘oyalarini yetkazilishi imkoniyatini yo‘qqa chiqargan.
Gabbard suddan Google saylov jarayonlariga boshqa aralashmasligi va jabrlanuvchi tarafga 50 million dollar miqdorida tovon to‘lashini talab qilmoqda.
Izoh (0)