Tojikiston prezidenti Emomali Rahmon 26-iyul kuni Qirg‘iziston yetakchisi Sooronbay Jeenbekov bilan muzokaralar o‘tkazish uchun So‘g‘d viloyatiga keldi. Bu haqda “TASS” xabar bermoqda.
Rahmon viloyatga tashrifi davomida Isfara shahriga ham boradi. Bu yerda tojik-qirg‘iz chegarasida Sooronbay Jeenbekov bilan uchrashadi. Ikki davlat rahbarlari qishloq jamoalari vakillari va oqsoqollarini tinglaydi, so‘ng Isfarada o‘zaro hamkorlik, jumladan, chegaralar delimitatsiyasi va demarkatsiyasi masalalari muhokama qilinadi.
Muzokaralar Qirg‘izistonning Cho‘lpon-ota shahrida davom etishi kutilmoqda.
Eslatib o‘tamiz, 22-iyul kuni Qirg‘iziston va Tojikiston chegarasida qurolli mojaro yuz bergan, uning oqibatida bir kishi halok bo‘lib, 30 nafardan ortiq odam jarohatlangandi.
Izoh (0)