Ilm-fan olamida eng yosh fizik-yadrochi nomiga da’vogarlik qiluvchi yangi nomzod paydo bo‘ldi, deb yozadi BuildingTECH.
Ushbu e’tirofga AQShning Tennesi shtatida yashovchi 13 yoshli Jekson Osvalt sazovor bo‘lishi mumkin.
Osvalt termoyadroviy sintez qurilmasini yasashga 12 yoshida aniqrog‘i 2018-yilning 19-yanvarida kirishgan. Bola 13 yoshiga to‘lishiga bir necha soat qolganida o‘z oldiga qo‘ygan maqsadiga erishganini ma’lum qildi.
O‘smir 50 000 volt energiya yordamida faol plazma zonasiga yadro quyilishiga erishib, o‘zi yasagan reaktor ichidagi gazsimon deyteriyning ikkita atomini tebratishga muvaffaq bo‘ldi.
Bir necha qo‘shimcha tadqiqotlar o‘tkazilganidan so‘ng Osvalt erishgan natijalariga yanada kuchliroq amin bo‘ldi.
Osvaltning muvaffaqiyatini Open Source Fusor Research Consortium sayti ham tasdiqladi. Sayt administratori Jeyson Xallning so‘zlariga ko‘ra, o‘smir hozirda termoyadroviy sintezga erishgan havaskorlar guruhi ro‘yxatiga kiritilgan.
Osvaltning yadroviy reaktor yasashiga 10 ming dollar miqdorida mablag‘ sarflangan. Unga bu pulni ota-onasi bergan.
Izoh (0)