Iyun oyida ikki marta kasalxonaga yotqizilgan Tunisning 92 yoshli prezidenti Muhammad al-Bojiy Qoid as-Sibsiy ahvoli og‘irlashgani sababli yana kasalxonaga yotqizildi. “RIA Novosti”ning yozishicha, bu haqda uning o‘g‘li Hofiz Qoid as-Sibsiy ma’lum qilgan.
Qayd etilishicha, prezident harbiy gospitalga o‘tkazilgan. U 21 va 27-iyun kunlari ham ikki marta kasalxonaga yotqizilgan edi. Kasalxonaga birinchi marta keltirilganida uning maslahatchisi Firas Kafrach bunga kutilmaganda tobi qochgani sabab bo‘lganini aytgan.
Muhammad al-Bojiy Qoid as-Sibsiy 2014-yildan buyon prezidentlik qilib kelmoqda. Bundan avval u bosh vazir, tashqi ishlar vaziri va mudofaa vaziri kabi lavozimlarda ishlagan.
Izoh (0)