Moskvada mijozning 41 million rublini o‘g‘irlab, yashirinishga muvaffaq bo‘lgan valyuta ayriboshlash shoxobchasi xodimi qidiruvga berildi, deya xabar qiladi “RIA Novosti”.
“Gumonlanuvchi federal qidiruvga berildi”, — deyiladi xabarda.
Yeliseyev tor ko‘chasida joylashgan valyuta ayriboshlash shoxobchasiga firmalardan birining direktori inkassatorlar bilan kirib, 41 million rublni dollarga aylantirish maqsadida kelganini bildirgan. Kassir ayol pullarni sanab ko‘rib, hozirda kerakli mablag‘ yo‘qligini aytib, ulardan ko‘chada kutib turishlarini iltimos qilgan. Shundan so‘ng u pullar bilan g‘oyib bo‘lgan.
Hozirda ayolga nisbatan jinoyat ishi ochilgan bo‘lib, u 10 yilgacha ozodlikdan mahrum etilishi mumkin.
Izoh (0)