Kongo Demokratik Respublikasi sharqida joylashgan Beni shahri yaqinida jangarilar hujum qilishi oqibatida tinch aholining 12 nafari o‘ldirildi. Bu haqda Kasereki Donat mahalliy hukumati vakillari bergan ma’lumotga tayanib, Reuters xabar berdi.
“TASS”ning yozishicha, jangarilar Erindjeti va Oyche qishloqlariga hujum qilgan. Aholining aksariyati qishloqqa tutash bo‘lgan o‘rmonlarga qochib qutilgan. “Ushbu hududda Kongo armiyasi joylashtirilganiga qaramay, mahalliy aholi jangarilarning doimiy hujumidan havotirda yashamoqda”, — degan Donat.
Hukumat hozirgi hujumlar ortida Demokratik kuchlar ittifoqi turganini taxmin qilmoqda. Kongo Demokratik Respublikasi sharqida ular IShID terrorchilik guruhi bilan raqobatlashadi.
Ta’kidlanishicha, mintaqa yaqinda Ebola virusi oqibatida tarqalgan kasallik markazi bo‘lgani sababli hududdagi vaziyat yanada keskinlashmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)