Toshkent shahar, Bektemir tumaniga qarashli “Husayn Boyqaro” va “Bektemir” mahallalari hududida 2019-yilning iyun oyida tozalash va obodonlashtirish ishlari, shuningdek, turar va noturar joy hamda boshqa bir qator bino-inshootlarning holati va kamchiliklari aniqlanib, ularni bartaraf etish bo‘yicha ishlar amalga oshirildi.
- “Husayn Boyqaro” mahallasi, 115, 117, 121, 123-sonli ko‘p qavatli uylar atrofidagi bolalar maydonchasi ta’mirlanib, atrofdagi noqonuniy qo‘rilmalar bartaraf qilindi;
- “Husayn Boyqaro” mahallasi, 111-uyning yerto‘lasida yuqori darajada namlik mavjudligi sabab xashoratlar ko‘payganligi aniqlanib, tuman DSENM va XUJMSh bilan birgalikda yerto‘la qismi dorilandi hamda ayrim xonadonlardagi oqava suv tarmog‘i eskirganligi sababli yangisiga almashtirildi;
- “Husayn Boyqaro” mahallasi, Yuqori Chirchiq ko‘chasi, 6-uyning fasad qismi ta’mirlandi, atrofdagi noqonuniy qurilmalar olib tashlanib bartaraf qilindi. Uyning old tomonidagi yo‘llar ta’mirga kelib qolganligi bois 120 metr asfalt yotqizildi, hududda bolalar maydonchasi barpo etilmoqda. Bundan tashqari 4-uyning yon atrofi va orqa tomonlarida obodonlashtirish ishlari olib borildi;
- “Bektemir” mahallasi, Olmos 1-tor ko‘chasida mavjud elektr simyog‘ochlarni xonadonlardan olib chiqish va ularni yangisiga almashtirish choralari ko‘rildi;
- 290-sonli umumta’lim maktabi hududidagi stadionga chim yotqizilib joriy ta’mirlandi. Tuman obodonlashtirish va maktab mutasaddilari bilan birgalikda qurigan daraxtlarga suv o‘tkazish ishlari olib borildi. Elektr simlarga tutashgan daraxt shoxlari shaklga keltirildi va elektr simlari yangilandi. Mevali daraxtlar taglarini yumshatish, sug‘orish ishlari muntazam amalga oshirilmoqda;
- Bektemir tumani bo‘ylab oqib o‘tuvchi “Bektemir” kanali bo‘yidagi yovvoyi o‘tlar va qurigan daraxt shoxlari olib tashlanib, hududda tozalash va obodonlashtirish ishlari olib borildi;
- Hududda joylashgan 572-maktabgacha ta’lim muassasasi binosidagi zinapoya yo‘laklari, omborxonaning tom qismlari va muassasaning bolalar o‘yin maydonchasi fasad qismlari ta’mirlanib, obodonlashtirish ishlari olib borildi.
Izoh (0)