Тошкент шаҳар, Бектемир туманига қарашли «Ҳусайн Бойқаро» ва «Бектемир» маҳаллалари ҳудудида 2019 йилнинг июнь ойида тозалаш ва ободонлаштириш ишлари, шунингдек, турар ва нотурар жой ҳамда бошқа бир қатор бино-иншоотларнинг ҳолати ва камчиликлари аниқланиб, уларни бартараф этиш бўйича ишлар амалга оширилди.
- «Ҳусайн Бойқаро» маҳалласи, 115, 117, 121, 123-сонли кўп қаватли уйлар атрофидаги болалар майдончаси таъмирланиб, атрофдаги ноқонуний қўрилмалар бартараф қилинди;
- «Ҳусайн Бойқаро» маҳалласи, 111-уйнинг ертўласида юқори даражада намлик мавжудлиги сабаб хашоратлар кўпайганлиги аниқланиб, туман ДСЭНМ ва ХУЖМШ билан биргаликда ертўла қисми дориланди ҳамда айрим хонадонлардаги оқава сув тармоғи эскирганлиги сабабли янгисига алмаштирилди;
- «Ҳусайн Бойқаро» маҳалласи, Юқори Чирчиқ кўчаси, 6-уйнинг фасад қисми таъмирланди, атрофдаги ноқонуний қурилмалар олиб ташланиб бартараф қилинди. Уйнинг олд томонидаги йўллар таъмирга келиб қолганлиги боис 120 метр асфальт ётқизилди, ҳудудда болалар майдончаси барпо этилмоқда. Бундан ташқари 4-уйнинг ён атрофи ва орқа томонларида ободонлаштириш ишлари олиб борилди;
- «Бектемир» маҳалласи, Олмос 1-тор кўчасида мавжуд электр симёғочларни хонадонлардан олиб чиқиш ва уларни янгисига алмаштириш чоралари кўрилди;
- 290-сонли умумтаълим мактаби ҳудудидаги стадионга чим ётқизилиб жорий таъмирланди. Туман ободонлаштириш ва мактаб мутасаддилари билан биргаликда қуриган дарахтларга сув ўтказиш ишлари олиб борилди. Электр симларга туташган дарахт шохлари шаклга келтирилди ва электр симлари янгиланди. Мевали дарахтлар тагларини юмшатиш, суғориш ишлари мунтазам амалга оширилмоқда;
- Бектемир тумани бўйлаб оқиб ўтувчи «Бектемир» канали бўйидаги ёввойи ўтлар ва қуриган дарахт шохлари олиб ташланиб, ҳудудда тозалаш ва ободонлаштириш ишлари олиб борилди;
- Ҳудудда жойлашган 572-мактабгача таълим муассасаси биносидаги зинапоя йўлаклари, омборхонанинг том қисмлари ва муассасанинг болалар ўйин майдончаси фасад қисмлари таъмирланиб, ободонлаштириш ишлари олиб борилди.
Изоҳ (0)