Toshkent shahrining Yunusobod tuman ma’muriy sudida ko‘rilayotgan sud ishida Torimed Pharm (Galaxy) MChJ suddan komissiya a’zolarining xatti-harakatlarini (harakatsizligi) qonunga xilof, maxsus komissiyaning tegishli ajrim va qarorini haqiqiy emas deb topishni so‘ragan. Bu haqda O‘zA xabar berdi.
Joriy yil may oyida Monopoliyaga qarshi kurashish qo‘mitasi Toshkent viloyat hududiy boshqarmasi vakillari Torimed Pharm (Galaxy) MChJga nisbatan Colgate-Palmolive (Colgate) kompaniyasining tovar belgisi bo‘yicha arizasini ko‘rib chiqdi. Masala tegishli komissiya tomonidan o‘rganib chiqildi va qaror qabul qilindi.
Torimed Pharm (Galaxy) MChJ mazkur qarorga norozilik bildirib sudga murojaat qildi.
Hozirda sudda Galaxy tovar belgisi Colgate tovar belgisiga rostdan ham o‘xshashmi yoki yo‘q, Torimed Pharm (Galaxy) MChJ chindan ham insofsiz raqobatchimi — shu kabi savollar muhokama qilinmoqda. Taraflar o‘z vajlarini keltirib o‘tmoqda. Sud ishni ko‘rishni keyingi haftaga qoldirdi.
Izoh (0)