Xitoy sharqidagi Anxoy provinsiyasi Benbu shahridagi kimyo zavodi portlashi oqibatida ikki kishi halok bo‘ldi, deb xabar berdi “RBK”.
Mahalliy hukumat ma’lumotiga ko‘ra, portlash taxminan soat 18:00 da, ishchilar o‘z sherigini rezervuardan tortib olishga uringan vaqtda sodir bo‘lgan. U ta’mirtalab rezervuarni tozalayotgan paytda ichida qamalib qolgan.
Portlash oqibatida shu ishchi va yana bir nafar o‘t o‘chiruvchi halok bo‘lgan. To‘qqiz nafar qutqaruvchilar jarohatlangan. Ularning barchasi kasalxonaga yotqizilgan. Zavodda sodir bo‘lgan voqea holatini o‘rganish ishlari boshlangan.
Avvalroq Xitoy markazida joylashgan Xenan provinsiyasidagi biotexnologik korxona sexidagi portlashda olti kishi halok bo‘lgani haqida xabar berilgan edi.
Izoh (0)