Gruziyalik qo‘shiqchi Nino Katamadze Rossiyani bosqinchi deb atab, Moskvada konsert berishdan bosh tortdi

Gruziyalik qo‘shiqchi Nino Katamadze Rossiyada konsert berishdan bosh tortdi, deb xabar beradi BBC.

Gruziyada mana ikki haftadan buyon rossiyalik deputat Sergey Gavrilovning Gruziya parlamentiga tashrifidan so‘ng yuzaga kelgan norozilik namoyishlari davom etmoqda.

“Mening jim turishim, o‘ylash yoki qaror qabul qilmasligimni bildirmaydi. Men ham Gavrilov spikerning o‘rindig‘iga o‘tirib olgach, har bir soniya, har bir soatda barcha his qilgan narsani tuydim. Hech qachon zo‘ravonlik va adolatsizlikdan yashirinishga urinmaganman, erinmasdan gruzin tilidan dunyoning istalgan nuqtasidan, jumladan Rossiyada turib ham Rossiya — bosqinchi, Putin — mamlakatim dushmani, demak mening ham dushmanim, deya olaman”, — deydi Katamadze.

Nino 20-iyun kuni norozilik namoyishini qattiqqo‘llik bilan tarqatib yuborilishi bo‘yicha barcha mas’uliyatni o‘z bo‘yniga olgan ichki ishlar vaziri Georgiy Gaxariyaning iste’foga chiqishini qo‘llab-quvvatladi.

Katamadze va uning guruhiga tegishli saytda e’lon qilingan ma’lumotga ko‘ra, qo‘shiqchi 2020-yilning 27-may sanasida Moskvadagi Vegas City Hall’da konsert berishi kerak edi.