Venesuela muxolifati Xuan Guaydo tarafdorlari respublikaning Vashingtondagi elchixonasini o‘z nazorati ostiga oldi. Bu haqda muxolifatning AQShdagi vakili Karlos Vekko Twitter’dagi sahifasida ma’lum qildi.
“Elchixonamiz ozod. Diktaturaning kuni bitishiga oz qoldi”, — deb yozadi Vekko.
Ijtimoiy tarmoqda e’lon qilingan surat va videodan Vekko hamda uning tarafdorlari elchixona derazasidan “Ozod Venesuelaga sharaflar” yozuvli banner va mamlakat bayrog‘ini tushirib qo‘yganini ko‘rish mumkin.
https://twitter.com/i/status/1131969089847595008
Hozirda muxolifat vakillari Amerika harbiylarga qarshi faollar harakati — Code Pink tomonidan binoni ushlab turish vaqtida yetkazilgan zararlarni hisob-kitob qilmoqda.
“Ayni vaqtda Venesuelaning AQShdagi diplomatik missiyasiga tegishli barcha oltita ko‘chmas mulk obyektlari qaytarib olindi va ular himoya ostida”, — deyiladi xabarda.
Eslatib o‘tamiz, Vashingtonda prezident Nikolas Maduroning tarafini olib Global Exchange hamda Code Pink tashkilotlarining faollari chiqish qilgandi.
Izoh (0)