Bosh qahramon sifatida Vladimir Zelenskiy o‘ynagan Ukrainaning “Xalq xizmatkori” seriali YouTube ’da ko‘rsatmay qoldi. “Exo Moskvi”ning xabar berishicha, 22-maydan boshlab ushbu serialni rossiyalik tomoshabinlar ko‘ra olmaydi.
BBC xabariga ko‘ra, Buyuk Britaniyada yashovchilar ham uni ko‘rishdan mahrum bo‘lgan.
Mualliflik huquqiga ega kompaniya vakili Sergey Pushkinning so‘zlariga ko‘ra, bu huquqiy masalalarini hal qilish bilan bog‘liq vaqtinchalik choradir.
“Xalq xizmatkori” — mamlakat prezidentiga aylangan tarix o‘qituvchisi haqidagi film. Unda bosh rolni ijro etgan Vladimir Zelenskiy 20-may kuni Ukraina prezidenti bo‘ldi.
Izoh (0)