O‘zbekiston yoshlar ittifoqi hamda O‘zbekiston noshirlari va kitob savdosi tashkilotlari milliy assotsiatsiyasi 19—29-mart kunlari Toshkent shahrida Navro‘z kitob bayrami xayriya aksiyasi o‘tkazmoqda. Bu haqda “Daryo”ga Yoshlar media markazi ma’lum qildi.
Aksiya doirasida kitoblar ko‘rgazmasi, taniqli adiblar bilan uchrashuvlar, bahs-munozaralar, kitob xayriya aksiyalari va bayramona dasturlar bo‘lib o‘tadi.
Toshkent shahridagi “Yoshlar ijod saroyi”da taniqli adiblar va adabiyot namoyondalari bilan ijodiy uchrashuv, shuningdek, kitob sanoati, noshirlik va kitobxonlikka bag‘ishlangan ko‘rgazmalar bo‘lib o‘tadi.
Ularda muallif va tarjimonlar bilan muloqot qilish, nashriyotlarning yangi loyihalari taqdimotida qatnashish hamda noshirlarga taklif-tavsiya, fikr-mulohazalar bildirish mumkin.
Izoh (0)