5-mart, seshanba kuni futbol bo‘yicha Yevropa Chempionlar Ligasi 1/8 finalining dastlabki 2 ta javob uchrashuvi bo‘lib o‘tadi.
Lyusyen Favr qo‘l ostidagi “Borussiya Dortmund” klubi o‘z maydonida Maurisio Pochettino boshliq Londonning “Tottenhem” jamoasi bilan musobaqa chorak final yo‘llanmasi uchun jang qiladi.
Eslatib o‘tamiz, dortmundliklar mazkur bosqichning Londonda kechgan bahsida “shporlar”ga yirik hisobda mag‘lub bo‘lgandi (0:3).
Shu kuni “Barselona”ga ketma-ket ikkita bahsda yutqazgan Madridning “Real” klubi “Santyago Bernabeu”da Amsterdamning “Ayaks” jamoasi bilan jang qiladi. Ikkala uchrashuv ham Toshkent vaqti bilan tungi soat 01:00 da start oladi.
Ma’lumot uchun, Niderlandiya poytaxtida bo‘lib o‘tgan bellashuvda “Qirollik klubi” amsterdamliklarni kichik 2:1 hisobida mag‘lubiyatga uchratgandi.
YChL
1/8 final bahslari
5-mart, seshanba
“Borussiya Dortmund”—“Tottenhem” (0:3) 01:00
“Real Madrid”—“Ayaks” (2:1) 01:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)