O‘zbekistondagi MTMlarda “Ilk qadam” dasturi asosida bolalarning rivojlanish kartasi yuritiladi

Samarqand shahridagi 104-sonli MTMda maktabgacha ta’lim muassasalarida ta’lim-tarbiya jarayonini “Ilk qadam” davlat o‘quv dasturi asosida tashkil etishga bag‘ishlangan amaliy seminar o‘tkazildi. Bu haqda “Zarnews” xabar bermoqda.

Unda ishtirok etgan Maktabgacha ta’lim vazirligi xodimlari davlat dasturining asosiy maqsadi, bolalarning intellektual salohiyatini oshirishda turli rivojlantiruvchi dasturlarning ahamiyati haqida so‘z yuritdi.

— “Ilk qadam” dasturining muhim jihati bolaning rivojlanish kartasining yuritilishidir, — deydi Maktabgacha ta’lim vazirligi boshqarma boshlig‘i o‘rinbosari Lyubov Yevstafeva. — U o‘zida bolaning 3 yoshdan 7 yoshgacha bo‘lgan davrini qamrab oladi. Karta bir yilda uch marta to‘ldiriladi va bola bog‘chada tarbiyalanganidan so‘ng, ya’ni 6—7 yoshida uning maktabga tayyorligi kartasi bilan ta’lim dargohiga yuboriladi.