13-fevral, chorshanba kuni futbol bo‘yicha Yevropa Chempionlar Ligasi 1/8 final bosqichi doirasida navbatdagi 2 ta bellashuv bo‘lib o‘tdi.
1/8 finalning qiziqarli to‘qnashuvlaridan biri Londonning “Uembli” stadionida bo‘lib o‘tdi. Unda Maurisio Pochettino qo‘l ostidagi “Tottenhem” jamoasi Lyusyen Favr boshliq Dortmundning “Borussiya” klubi bilan bahsga kirishdi.
Uchrashuvning 47-daqiqasida Son Hyon Min hisobni ochgan bo‘lsa, Yan Vertongen ikkinchi golga mualliflik qildi (83-daqiqa). So‘nggi gol 86-daqiqada Fernando Lyorente tomonidan kiritildi.
Shu tariqa “shporlar” o‘z maydonida dastlabki bahsda yirik hisobda g‘alaba qozondi.
Kunning ikkinchi o‘yinida Madridning “Real” klubi “Ayaks” mehmoni bo‘ldi.
Uchrashuvdagi barcha gollar 2-bo‘limda kiritildi. 60-daqiqada Karim Benzema Vinisius Junior uzatmasini golga aylantirgan bo‘lsa, 75-daqiqaga kelib mezbon jamoa a’zosi Hakim Ziyosh hisobni tenglashtirdi (1:1). Bellashuvning asosiy vaqti tugashiga 3 daqiqa qolganda Karim Benzema o‘rniga zaxiradan maydonga tushgan Marko Asensio g‘alaba golini urdi.
Mazkur jamoalar o‘rtasidagi javob o‘yinlari 5-mart kuni bo‘lib o‘tadi.
Yevropa Chempionlar Ligasi
1/8 final bahslari
13-fevral, chorshanba
Izoh (0)