13 февраль, чоршанба куни футбол бўйича Европа Чемпионлар Лигаси 1/8 финал босқичи доирасида навбатдаги 2 та беллашув бўлиб ўтди.
1/8 финалнинг қизиқарли тўқнашувларидан бири Лондоннинг «Уэмбли» стадионида бўлиб ўтди. Унда Маурисио Почеттино қўл остидаги «Тоттенҳэм» жамоаси Люсен Фавр бошлиқ Дортмунднинг «Боруссия» клуби билан баҳсга киришди.
Учрашувнинг 47-дақиқасида Сон Ҳён Мин ҳисобни очган бўлса, Ян Вертонген иккинчи голга муаллифлик қилди (83-дақиқа). Сўнгги гол 86-дақиқада Фернандо Льоренте томонидан киритилди.
Шу тариқа «шпорлар» ўз майдонида дастлабки баҳсда йирик ҳисобда ғалаба қозонди.
Куннинг иккинчи ўйинида Мадриднинг «Реал» клуби «Аякс» меҳмони бўлди.
Учрашувдаги барча голлар 2-бўлимда киритилди. 60-дақиқада Карим Бензема Винисиус Жуниор узатмасини голга айлантирган бўлса, 75-дақиқага келиб мезбон жамоа аъзоси Ҳаким Зиёш ҳисобни тенглаштирди (1:1). Беллашувнинг асосий вақти тугашига 3 дақиқа қолганда Карим Бензема ўрнига захирадан майдонга тушган Марко Асенсио ғалаба голини урди.
Мазкур жамоалар ўртасидаги жавоб ўйинлари 5 март куни бўлиб ўтади.
Европа Чемпионлар Лигаси
1/8 финал баҳслари
13 февраль, чоршанба
Изоҳ (0)