12-fevral, seshanba oqshomida Yevropa Chempionlar Ligasida 1/8 final bosqichi o‘yinlari boshlandi.
Mazkur bosqichning markaziy to‘qnashuvlaridan biri Manchester shahrida bo‘lib o‘tdi. Unda “Manchester Yunayted” PSJni qabul qilib, 0:2 hisobida yutqazib qo‘ydi. “Old Trafford”ga Neymar va Kavanisizlar tashrif buyurgan PSJ safida himoyachi Presnel Kimpembe hamda jamoa yetakchisi Kilian Mbappe o‘z hisobiga bittadan gol yozdirib qo‘ydi.
Rimda esa “Roma” jamoasi Portugaliyaning “Portu”sini qabul qilib, 2:1 hisobidagi g‘alabani tantana qildi.
Mezbonlar safida 19 yoshli Nikolo Zaniolo ikkinchi bo‘limning 6 daqiqasi ichida dublga erishgan bo‘lsa, “ajdarlar”ning yagona javob goliga Adrian mualliflik qildi.
Mazkur jamoalar o‘rtasidagi javob o‘yinlari 6-mart kuni bo‘lib o‘tishi rejalashtirilgan.
Yevropa Chempionlar Ligasi
1/8 final bahslari
12-fevral, seshanba
“Manchester Yunayted” – PSJ 0:2
Gollar: 0:1 – 53 Kimpembe, 0:2 – 60 Mbappe.“Manchester Yunayted” – De Xea, Bayi, Shou, Yang, Lindelef, Lingard (Sanches, 45), Matich, Pogba, Errera, Marsial (Mata, 46), Reshford (Lukaku, 84).
PSJ – Buffon, Kerer, Tiago Silva, Kimpembe, Markinyos, Draksler, Verratti (Paredes, 75), Dani Alves, Di Mariya (Dagba, 81), Bernat, Mbappe.
Ogohlantirishlar: Kimpembe (11), Draksler (19), Pogba (26), Yang (30), Bernat (34), Lindelef (50), Dani Alves (62), Errera (87), Shou (90).
Chetlatish: Pogba (89).
“Roma” – “Portu” 2:1
Gollar: 1:0 – 70 Zaniolo, 2:0 – 76 Zaniolo, 2:1 – 79 Adrian.“Roma” – Mirante, Manolas, Kolarov, Florensi, Fasio, Kristante, de Rossi, Zaniolo (Santon, 87), Pellegrini (Nzonzi, 83), al-Shaaravi (Klyuyvert, 90), Jeko.
“Portu” – Kasilyas, Felipe, Telles, Eder Militao, Pepe, Otavio (Ernani, 84), Danilu Pereyra, Fernando (Andre Pereyra, 76), Errera, Braimi (Adrian, 68), Soares.
Ogohlantirishlar: Errera (74), al-Shaaravi (88).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)