Bosh prokuratura tomonidan nogironligi bo‘lgan fuqarolarning mol-mulki va yer uchastkasiga nisbatan soliq imtiyozlarining qo‘llanishi ahvoli o‘rganildi.
Soliq kodeksiga ko‘ra, I va II guruh nogironlarining 60 kvadrat metrgacha bo‘lgan mol-mulkiga soliq solinmaydi hamda ular yer solig‘idan to‘liq ozod qilingan.
Monitoring natijasida quyidagilar aniqlandi:
Soliq kodeksiga asosan 121 493 nafar nogironligi bo‘lgan shaxsga mol-mulk solig‘i bo‘yicha imtiyoz qo‘llanilib, 116 629 nafari yer solig‘idan ozod qilingan.
O‘rganish davomida 2 944 nafar (2,4 foiz) nogironligi bo‘lgan shaxsga soliq imtiyozlari qo‘llanilmasdan qolganligi aniqlandi.
Ushbu holatning kelib chiqishiga:
soliq, moliya, kadastr idoralari, pensiya jamg‘armalari va tibbiy-mehnat ekspert komissiyalarining soliq imtiyoziga ega bo‘lgan nogironligi bo‘lgan shaxslar haqida o‘zaro ma’lumot almashinuvi to‘g‘ri yo‘lga qo‘yilmaganligi;
soliq imtiyozlari bilan bilan bog‘liq targ‘ibot tadbirlarining yetarlicha o‘tkazilmaganligi sabab bo‘lgan.
O‘rganish natijasida:
2 944 nafar nogironligi bo‘lgan shaxsga 143,1 million so‘m mol-mulk soliq imtiyozi, 2 694 nafariga 184,0 million so‘m yer solig‘idan ozod qilinishi;
jami 2 944 nafar nogironligi bo‘lgan shaxsga 327,1 million so‘mlik soliq imtiyozlari qo‘llanilishi ta’minlandi.
Izoh (0)