Бош прокуратура томонидан ногиронлиги бўлган фуқароларнинг мол-мулки ва ер участкасига нисбатан солиқ имтиёзларининг қўлланиши аҳволи ўрганилди.
Солиқ кодексига кўра, I ва II гуруҳ ногиронларининг 60 квадрат метргача бўлган мол-мулкига солиқ солинмайди ҳамда улар ер солиғидан тўлиқ озод қилинган.
Мониторинг натижасида қуйидагилар аниқланди:
Солиқ кодексига асосан 121 493 нафар ногиронлиги бўлган шахсга мол-мулк солиғи бўйича имтиёз қўлланилиб, 116 629 нафари ер солиғидан озод қилинган.
Ўрганиш давомида 2 944 нафар (2,4 фоиз) ногиронлиги бўлган шахсга солиқ имтиёзлари қўлланилмасдан қолганлиги аниқланди.
Ушбу ҳолатнинг келиб чиқишига:
солиқ, молия, кадастр идоралари, пенсия жамғармалари ва тиббий-меҳнат эксперт комиссияларининг солиқ имтиёзига эга бўлган ногиронлиги бўлган шахслар ҳақида ўзаро маълумот алмашинуви тўғри йўлга қўйилмаганлиги;
солиқ имтиёзлари билан билан боғлиқ тарғибот тадбирларининг етарлича ўтказилмаганлиги сабаб бўлган.
Ўрганиш натижасида:
2 944 нафар ногиронлиги бўлган шахсга 143,1 миллион сўм мол-мулк солиқ имтиёзи, 2 694 нафарига 184,0 миллион сўм ер солиғидан озод қилиниши;
жами 2 944 нафар ногиронлиги бўлган шахсга 327,1 миллион сўмлик солиқ имтиёзлари қўлланилиши таъминланди.
Изоҳ (0)