Chikagodagi o‘zbek-amerika assotsiatsiyasi faollari Kamerun aholisini ichimlik suvi bilan ta’minlashga yordam berdi. Bu haqda Sputnik xabar berdi.
Chikagoda yashovchi, o‘zgalar muammosiga befarq bo‘lmagan o‘zbeklar “Buloq-3” nomli xayriya loyihasini moliyalashtirish uchun mablag‘ to‘plash bo‘yicha marafonni ishga tushirdi. Loyiha orqali Afrika mintaqasida suv chiqarish inshootini o‘rnatish belgilangan edi.
2018-yilning avgust oyiga kelib 4500 AQSh dollari miqdorida mablag‘ to‘plashga muvaffaq bo‘lindi. Burg‘ilangan quduq Kamerundagi Bardap aholi punktiga o‘rnatilgan.
“Ushbu loyihani qo‘llab-quvvatlagan barcha do‘stlarimizga minnatdorlik bildiraman. Ushbu uyushma a’zosi bo‘lganimdan faxrlanaman”, — deb yozgan o‘z sahifasida assotsiatsiya ishtirokchisi Farrux Shamsutdinov.
Bu assotsiatsiya ko‘magida Afrika mamlakatlarida o‘rnatilgan uchinchi quduq. Xususan, o‘tgan yil may oyida chuqurligi 4,5 ming metr bo‘lgan artezian qudug‘i Chad respublikasining Vassi qishlog‘ida paydo bo‘lgan. U yerda 1700 kishi istiqomat qiladi.
BMT ma’lumotlariga ko‘ra, butun dunyoda 750 million kishi toza ichimlik suviga muhtoj, ularning 37 foizi Afrikada yashaydi.
Izoh (0)