Venesueladagi antiamerika harbiy mashqlarida Rossiya vertolyoti halokatga uchradi

4-fevral kuni Venesuelada o‘tkazilgan harbiy mashqlarda Rossiyaga tegishli Mi-35 vertolyoti halokatga uchradi. Bu haqda Venezuela al Dia xabar berdi.

Hodisa oqibatida besh kishi jabrlangan. Ular ko‘plab jarohatlar bilan kasalxonaga yotqizilgan.

Vertolyot bortida necha kishi bo‘lgani, shuningdek, halokat sababi oshkor etilmagan.

O‘tgan haftada boshlangan harbiy mashqlar siyosiy inqiroz sharoitida AQSh harbiylarining Venesuelaga ehtimoliy hujumining oldini olish maqsadida o‘tkazilgan.