Agar 20 million pul to‘lansa, Rossiya poytaxtidagi minoralaridan biri Trump Tower nomini olish mumkin edi. Bu haqda Rossiya va Ukraina ko‘chmas mulk bozorida ishlovchi biznesmen Pavyol Fuks ma’lum qildi, deb xabar berdi “MK.ru”.
Xabarda aytilishicha, bu 2006-yilgi voqea bo‘lib, o‘sha vaqtda butun dunyoga biznesmen sifatida mashhur bo‘lgan Tramp bu pullarni Moskvada quriladigan minoralardan biriga faqat o‘z nomini berish uchun talab qilgan.
Ushbu summa e’lon qilingan uchrashuv Moskvada bo‘lib o‘tgan bo‘lib, unda Donald Trampning qizi Ivanka Tramp va o‘g‘li Donald ham ishtirok etgan.
Pavyol Fuks faqat 10 million berishga rozi bo‘lgan, Tramp esa bunga ko‘nmay 20 million dollar talab qilgan va shu sababli ular kelisha olmagan.
Izoh (0)