Samarqandda yanvar oyining o‘zida jamoat joylarida tamaki chekkani uchun 1875 nafar kishiga jarima qo‘llandi. Bu haqda viloyat IIB HOOB bo‘lim boshlig‘i Dilmurod Qurbonov ma’lum qildi, deya xabar beradi “Zarnews”.
Qoidabuzarlar jami 115 million so‘mdan ortiqroq jarima to‘lagan.
Jamoat joylarida tamaki mahsulotlarini iste’mol qilishga cheklovlar “Alkogol va tamaki mahsulotlarining tarqatilishi hamda iste’mol qilinishini cheklash to‘g‘risida”gi qonun bilan mustahkamlangan.
2016-yildan boshlab jamoat joylarda tamaki mahsulotlarini iste’mol qilish uchun jarima miqdori eng kam ish haqining birdan uch qismigacha bo‘lgan mablag‘ni tashkil etadi.
Jamoat joylarida alkogolli mahsulotlar iste’mol qilganlik uchun ancha jiddiy jazo ko‘zda tutilgan. Ushbu huquqbuzarlik uchun jarima summasi eng kam ish haqining 50 foizini tashkil qiladi.
Ko‘rsatilgan choralarga rioya qilinishi ustidan nazorat qilish ichki ishlar organlariga yuklatilgan.
Izoh (0)