5-fevral kuni Qashqadaryo viloyatining Muborak tumanida tuman IIB huzuridagi TB surishtiruv guruhi surishtiruvchisi, S.D. tuman IIB boshlig‘iga bildirgi bilan murojaat qilib, 4-fevral kuni G‘ayrat Xudoyberganov boshqaruvidagi Isuzu yuk mashinasi yukxonasidan R.B. tegishli 150 qop ammiakli selitra mineral o‘g‘it mahsuloti aniqlanganini ma’lum qilgan. Bu haqda IIB matbuot xizmati xabar berdi.
Holat yuzasidan tergovga qadar tekshirish harakatlari olib borish jarayonida R.B. avtomashinani musodara qilmaslik va ishni uning foydasiga hal qilib berish evaziga xodimga pora sifatida 4 million so‘m pulni taklif etgani ma’lum bo‘lgan.
Ushbu bildirgi yuzasidan 5-fevral kuni IIV xavfsizlik boshqarmasi Qashqadaryo viloyati bo‘yicha bo‘limi, Bosh prokuratura huzuridagi Iqtisodiy jinoyatlarga qarshi kurashish departamenti Muborak tumani bo‘limi va Muborak tumani prokuraturasi xodimlari hamkorligida o‘tkazilgan tadbir natijasida R.B. pora sifatida 3 million 819 ming so‘m pulni xodimning xizmat xonasida unga bergan vaqtida tadbir ishtirokchilari tomonidan ushlangan.
Mazkur holat yuzasidan 6-fevral kuni jinoyat ishi qo‘zg‘atilib, tergov harakatlari olib borilmoqda.
Izoh (0)