Hindistonda politsiya Mangri Munda ismli ayol va uning to‘rt nafar bolasini o‘ldirgan kishilarni izlamoqda. Jinoyatchilar ayolni jodugarlikda ayblagan. Bu haqda “Gazeta.ru” xabar berdi.
Ta’kidlanishicha, Orissa shtatida allaqachon olti kishi qo‘lga olingan, biroq politsiya jinoyatda ko‘proq kishi ishtirok etgan deb hisoblamoqda.
25-yanvar kechasi bir guruh erkaklar ayolning uyiga bostirib kirgan va ayol hamda uning to‘rt nafar bolasiga tayoq va bolta bilan hujum qilgan. Mundaning bolalari 1, 4, 7 va 12 yoshda bo‘lgan. Ayol va farzandlari avvaliga kaltaklangan, so‘ng bolta bilan chopilib, quduqqa tashlangan.
Shtat politsiyasining ma’lum qilishicha, Orissada 2017-yilda “jodugar ovi” bilan bog‘liq 99 ta, o‘tgan yili esa 83 ta holat qayd etilgan. Bunday holatlarda asosan bevalar nishonga olinishi, bundan maqsad esa ularning uyi va yeriga ega chiqish ekani aytiladi.
Izoh (0)