2019-yil 20-yanvar kuni noma’lum shaxs Qoraqalpog‘iston Respublikasining Amudaryo tumani Bunyodkor ko‘chasida qarovsiz qoldirilgan O‘.A.ga tegishli Lacetti rusumli avtomashinani haydab qochgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Ko‘rilgan choralar natijasida ushbu jinoyatni Amudaryo tumani Uchqun ko‘chasida yashovchi Sh.D. mast holda sodir etganligi aniqlanib, ushlangan. Avtomashina Barkamol avlod ko‘chasidan ariqqa tushib ketgan holda topilgan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)