O‘zbekistonda mintaqadagi birinchi blokcheyn-akademiya tashkil etiladi. Tegishli memorandum Respublika oliy biznes maktabi va Koreyaning KOBEA GROUP kompaniyasi tomonidan imzolangan, deya xabar bermoqda Spot “O‘zbekiston 24” telekanalining “Axborot” dasturiga tayanib.
Xabarga ko‘ra, Akademiya mamlakat va xorijda bunday mutaxassislar yetishmayotganini hisobga olib, noyob loyiha bo‘lishni va’da qildi. Ta’lim jarayoniga soha bo‘yicha yetakchi mutaxassislar, shu jumladan, xorijiy mutaxassislar jalb qilinadi.
Kriptoaktivlarga qiziqqan barcha shaxslar, banklar va moliyaviy muassasalar xodimlari, fintex sohasidagi mutaxassislar blokcheyn, kripto va boshqa raqamli aktivlarning barcha jihatlari bo’yicha ta’lim olishlari mumkin. Kriptoaktivlarni saqlash va ulardan foydalanishda xavfsizlikni ta’minlash masalasi ustuvor bo‘ladi.
Ma’lum qilinishicha, mutaxassislar 2021-yilgacha o‘qitilishi kerak bo’ladi.
Izoh (0)