Instagram’dagi rekordchi tuxumga raqobatchi paydo bo‘ldi

Britaniya moda uyi Burberry 2019-yil uchun yangi bahor-yoz kolleksiyasini noodatiy tarzda e’lon qildi. Bu haqda Vogue xabar berdi.

https://www.instagram.com/p/BsoAatIguxj/?utm_source=ig_embed

15-yanvar kuni brendning Instagram’dagi sahifasida yoriq joyi bo‘lgan oq tovuq tuxumining surati paydo bo‘ldi. Unda och havorang siyoh bilan kompaniya rahbari Rikkardo Tishining ism-familiyasi bosh harflari, shuningdek, Londonda bo‘lib o‘tadigan taqdimot sanasi — 17-fevral tushirilgan.

Burberry sahifasidagi reklama kampaniyasi oddiy tovuq tuxumining ijtimoiy tarmoqda layklar soni bo‘yicha rekord o‘rnatgani haqida xabar chiqqanidan bir necha soat o‘tib paydo bo‘ldi.

Nashrning qayd etishicha, Tishi yosh avlod qanday fikrlashini bilgani uchun rekordchi tuxumning shov-shuvini “monetizatsiya” qilishga jazm etgan.