2015-yilda Yaponiyada xodimlari robotlar bo‘lgan dunyodagi ilk mehmonxona ochilgandi. Bu haqda TJournal xabar berdi.
Mehmonxonada turli model va shakldagi robotlar administrator, tashuvchi, xizmat ko‘rsatuvchi va yordamchi rolida ishlagan.
Ammo 2019-yilning yanvarida Henn-na mehmonxonasi rahbariyati 243 ta robotdan yarmini ishdan bo‘shatishga va ularning o‘rniga odamlarni ishga olishga qaror qildi. Buning sababi robotlar ish jarayonida yuzaga keladigan doimiy muammolar bilan bog‘liq.
The Wall Street Journal robotlar o‘z vazifasini uddasidan chiqa olmagan bir nechta vaziyatlarni keltirgan. Muammoni yechish uchun doimiy ravishda insonlarning yordamiga ehtiyoj sezilgan.
Robot-yordamchi Churi mehmonlarning eng oddiy savollariga ham javob berishni ham uddalay olmagan;Har bir xonada unchalik katta bo‘lmagan yordamchi robot bo‘lgan.
Mehmonlarning so‘zlariga ko‘ra, robot xurrak ovoziga ham ta’sirlanib “Nima yordam kerak” deb mehmonni uyg‘otgan;
Mehmonlarni ro‘yxatdan o‘tkazish bilan shug‘ullanishi kerak bo‘lgan ikkita robot uchun ham barcha ishni odamlar bajargan, sababi ular oddiy pasportdan nusxa ko‘chirishni ham uddalay olmagan;
Ikkita tashuvchi robot narsalarni 100 ta xonadan atigi 24 tasiga eltib berishga ulgurgan. Shuningdek ular qor va yomg‘irda ishlamagan, yo‘lakda uchrashib qolishganda esa bir-birini o‘tkazib yuborolmay to‘xtab qolgan;
Mehmonxonaning asosiy tematikasi robotlar bo‘lishiga qaramay mehmonlar robotlar ularni asabiylashtirishini tan olgan.
Henn-na mehmonxonasining ma’muriyati texnologiyalar tez eskirishini ham ham tan oldi. Aksariyat robotlar mehmonxonada to‘rt yil ishlagan. Mehmonxona rahbariyati avtomatlashtirilgan mehmonxona konsepsiyasidan voz kechmadi, ammo hozircha unga odamlar zarurligini tan oldi.
Izoh (0)