Instagram’даги рекордчи тухумга рақобатчи пайдо бўлди

Британия мода уйи Burberry 2019 йил учун янги баҳор-ёз коллекциясини ноодатий тарзда эълон қилди. Бу ҳақда Vogue хабар берди.

https://www.instagram.com/p/BsoAatIguxj/?utm_source=ig_embed

15 январь куни бренднинг Instagram’даги саҳифасида ёриқ жойи бўлган оқ товуқ тухумининг сурати пайдо бўлди. Унда оч ҳаворанг сиёҳ билан компания раҳбари Риккардо Тишининг исм-фамилияси бош ҳарфлари, шунингдек, Лондонда бўлиб ўтадиган тақдимот санаси — 17 февраль туширилган.

Burberry саҳифасидаги реклама кампанияси оддий товуқ тухумининг ижтимоий тармоқда лайклар сони бўйича рекорд ўрнатгани ҳақида хабар чиққанидан бир неча соат ўтиб пайдо бўлди.

Нашрнинг қайд этишича, Тиши ёш авлод қандай фикрлашини билгани учун рекордчи тухумнинг шов-шувини «монетизация» қилишга жазм этган.