Jazoirning al-Blida shahrida joylashgan yer ostidagi masjid (fotojamlanma)

Jazoirning al-Blida shahri chekkasida, yer ostida masjid joylashgan, deb yozmoqda “Islom.uz”.

Ushbu ibodatxona tarixi Jazoirning 130 yil fransuz istilochilariga qarshi olib borgan istiqlol kurashi davriga borib taqaladi. Mustamlakachilar bosib olgan yerlarida o‘z tartib-qoidalarini o‘rnatgan. Masjidlar yopilib yoki buzib tashlangan, yoki nasroniylar ibodatxonasi va yahudiylarning sinagogiga o‘zgartirilgan. hatto arab tili o‘qitilishini ham taqiqlab qo‘ygan.

Ana paytlarda poytaxtdan 800 kilometr uzoqlikda, quyosh botish tarafida joylashgan al-Blida shahri diniy ulamolardan shayx Muhammad ibn Bahus yer ostida masjid qurishni buyuradi. 6 metr chuqurlikda, 200 kvadrat metr kengligidagi ushbu ibodatxona o‘sha davrda shahardagi musulmonlarning eng tinch ibodat qiladigan joyga aylangan.

Ma’lum bo‘lishicha, ushbu masjidda to mustamlakachilar Jazoirni tashlab chiqqunlaricha 375 ta hifzi Qur’on yetishib chiqqan.

Masjidga kichkina eshik orqali, qazish ishlarida o‘rnatilgan narvon orqali tushiladi. Bugungi kunda ham masjid o‘z faoliyatini davom ettirmoqda.