Жазоирнинг ал-Блида шаҳрида жойлашган ер остидаги масжид (фотожамланма)

Жазоирнинг ал-Блида шаҳри чеккасида, ер остида масжид жойлашган, деб ёзмоқда «Islom.uz».

Ушбу ибодатхона тарихи Жазоирнинг 130 йил француз истилочиларига қарши олиб борган истиқлол кураши даврига бориб тақалади. Мустамлакачилар босиб олган ерларида ўз тартиб-қоидаларини ўрнатган. Масжидлар ёпилиб ёки бузиб ташланган, ёки насронийлар ибодатхонаси ва яҳудийларнинг синагогига ўзгартирилган. ҳатто араб тили ўқитилишини ҳам тақиқлаб қўйган.

Ана пайтларда пойтахтдан 800 километр узоқликда, қуёш ботиш тарафида жойлашган ал-Блида шаҳри диний уламолардан шайх Муҳаммад ибн Баҳус ер остида масжид қуришни буюради. 6 метр чуқурликда, 200 квадрат метр кенглигидаги ушбу ибодатхона ўша даврда шаҳардаги мусулмонларнинг энг тинч ибодат қиладиган жойга айланган.

Маълум бўлишича, ушбу масжидда то мустамлакачилар Жазоирни ташлаб чиққунларича 375 та ҳифзи Қуръон етишиб чиққан.

Масжидга кичкина эшик орқали, қазиш ишларида ўрнатилган нарвон орқали тушилади. Бугунги кунда ҳам масжид ўз фаолиятини давом эттирмоқда.