Америкалик метеорологлар 10 декабрь куни ноодатий «осмон томчиси«ни қайд этди, ушбу жисм ўз ўлчамларини катталаштириб, тезлик билан ўсган. Иссиқлик булути Индиана, Иллинойс, Кентукки штатлари устида ёйилган. Аномал ҳудуднинг максимал узунлиги 80 километрга, баландликнинг юқори чегараси эса уч километрга етган. Бу ҳақда Hi-Tech Mail.Ru хабар берди.
Ҳукумат вакиллари томонидан ҳеч қандай расмий тушунтириш берилмаган. Метеоролог Уэйн Хартнинг фикрига кўра, АҚШ ҳарбий-ҳаво кучларининг ҳарбий-транспорт самолёти тасодифан ёки атайлаб иссиқлик қопқонини ташлаганда, «булут» ҳосил бўлган бўлиши мумкин. Бу катта миқдорда иссиқлик чиқариб, атмосферада ёниб кетадиган кичик сиғимли ёқилғи идишлари ҳисобланади. Шу тарзда самолётлар ўзи бошқариладиган инфрақизил каллакли ракеталарни ўз йўлидан чалғитиши мумкин.
Кўплаб мутахассислар бу фикрга ишончсизлик билан қаради, чунки самолётлардан ҳеч қайсиси томонидан бундай қопқон қўлланилгани ҳақида огоҳлантириш бўлмаган. Ноодатий иссиқлик доғининг пайдо бўлишига қандайдир янги модданинг ҳарбий синови сабаб бўлган бўлиши мумкин. Бироқ Пентагон ҳозирча бу масалада сукут сақламоқда.
Изоҳ (0)