Sitsiliyada 10 kishi, jumladan, ikki nafar bola toshqin qurboni bo‘ldi. Bu haqda “RIA Novosti” xabar bermoqda.
Fojia 4-noyabr, yakshanbaga o‘tar kechasi Palermo provinsiyasining Kasteldachcha shahrida ro‘y berdi. Shiddatli yomg‘irlar tufayli mahalliy Milicha daryosi qirg‘oqdan chiqib, sohildagi villalardan birini suv bosdi. Butun boshli oila, jumladan, 1 va 3 yoshli ikki bola cho‘kib ketdi.
Sitsiliyaning Vikari qishlog‘ida ham 44 yashar erkak shunga o‘xshash holatda halok bo‘ldi, yana 2 kishi bedarak yo‘qolgan hisoblanmoqda.
Mahalliy rasmiylar qurbonlar soni ortishi mumkinligini istisno etmadi.
Izoh (0)