AQSh birinchi xonimi Melaniya Tramp amerikaliklarni saylovlarda prezident Donald Trampni qo‘llab-quvvatlashga va shu tariqa, uning turmush o‘rtog‘ini obro‘sizlantirayotgan demokratlar va OAV xato qilayotganini isbotlashga chaqirdi, deb yozadi “Korrespondent.net”.
“Demokratlar va muxolifatchi OAVlar soxta xabarlar tarqatish va go‘yoki uni amerikalik saylovchilar qo‘llab-quvvatlamasligini ko‘rsatish orqali, Donaldni yolg‘on ayblovlar bilan obro‘sizlantirishga harakat qilmoqda”, — deyiladi Melaniyaning AQSh Respublikachilar partiyasi milliy qo‘mitasi tomonidan yuborilgan xatida.
“Bu jangda biz birgalikda g‘olib chiqishimiz kerak. Men sizdan va butun mamlakat bo‘ylab boshqa amerikaliklardan o‘z ko‘magingizni shaxsan namoyon qilib, demokratlar va OAV xato qilayotganini isbotlashda yordam berishingizni so‘rayman”, — deya ta’kidladi Amerika yetakchisining rafiqasi.
AQSh Kongressiga saylovlar 6-noyabr kuni bo‘lib o‘tadi. Ularning natijalari bo‘yicha vakillar palatasi (435 nafar a’zo) to‘liq, Senat esa qisman (100 a’zodan 35 nafari) qayta saylanadi.
Izoh (0)