Filippin poytaxti Manilada bo‘lib o‘tgan “Yer go‘zali—2018” tanlovida 23 yoshli Vyetnam vakilasi Fiong Kxan Nguyen g‘olib bo‘ldi, deb yozadi “Korrespondent.net”.
Ta’kidlanishicha, Nguyen universitetda o‘qib, marketingni o‘rganmoqda, ingliz tilida erkin so‘zlashadi va mushuklarni atrof-muhitga moslasha olish qobiliyati uchun yaxshi ko‘radi.
Taqdimot roligida qiz Vyetnam janubidagi Mekong daryosini saqlab qolish bo‘yicha ekologik loyiha haqida gapirib berdi.
Olov go‘zali, Suv go‘zali va Havo go‘zali unvonlari esa Meksika, Kolumbiya va Avstriya vakilalariga nasib qilgan.
Tanlov 2001-yildan boshlab o‘tkazib kelinadi. Uning asosiy g‘oyasi — atrof-muhitga jiddiy munosabatda bo‘lishga diqqatni qaratish. Barcha ishtirokchilar xalqaro ekologik loyihalarni taqdim etadi. Tanlov BMT rahbarligi ostida o‘tkazib kelinadi.
Izoh (0)