1-noyabr, payshanba kuni Google’ning butun dunyo bo‘ylab ofislarida xodimlar katta ko‘lamli norozilik aksiyasini o‘tkazib, korporatsiyada jinsiy shilqimlikka nisbatan munosabatni o‘zgartirishni talab qildi, deb yozadi “Korrespondent.net”.
Ta’kidlanishicha, noroziliklarda Google’ning 20 dan ortiq ofisida ishlovchi yuzlab xodimlar qatnashmoqda. Ishchilar jabrlanuvchini jafokorni sudga berish imkoniyatidan mahrum qiluvchi majburiy arbitraj qo‘llanilishiga qarshi chiqmoqda.
Hammasi Google’ning yuqori darajali menejerlaridan biri jinsiy shilqimlikda ayblanganidan keyin ishdan ketib, 90 million dollar hajmida to‘lov olganidan keyin boshlandi.
Android operatsion tizimi yaratuvchisi deb atalayotgan Endi Rubin ayblovlarni rad etmoqda.
30-oktabr kuni kompaniyaning Google X tadqiqot laboratoriyasi rahbari Richard Deval iste’foga chiqdi. U, go‘yoki yaqinda ishga kirish uchun suhbatdan o‘tgan ayolga nisbatan nomuvofiq munosabatda bo‘lgan.
Xabar berilishicha, jinsiy shilqimliklar uchun kompensatsiya to‘lamasdan kamida 48 nafar boshqa xodimlar ishdan haydalgan.
Izoh (0)