O‘zA qorako‘llik bir necha bor matematika bo‘yicha xalqaro chempionatlarda g‘olib bo‘lgan 9-sinf o‘quvchisi og‘ir turmush sharoitida yashayotganligi va uning bilim olishi uchun yetarli sharoit yo‘qligi haqidagi maqola chop etdi. Ushbu maqola to‘lig‘icha havola etiladi.
Buxoro viloyatining Qorako‘l tumanidagi 52-maktabning 9-sinfida bir necha bor matematika bo‘yicha xalqaro chempionatlar g‘olibi Doniyor Ismoilov tahsil oladi. U uch bora oltin va ikki marotaba kumush medal sohibi bo‘lgan.
Ammo shunday iqtidor egasi bugun oilaviy qiyinchilik tufayli vaqtini to‘liq ilm olishga sarflay olmayapti. U bo‘sh vaqtlarida va yozgi ta’tilda non sexlarida ishlab oilasiga yordam qiladi.
Doniyor Qorako‘l tumanining “Qoraun” qishlog‘ida yashaydi. U yashayotgan kulbani uy deyishga ham til bormaydi. Oila moddiy yordamga muhtoj. Doniyorning onasi bir necha yillardan beri jigar serrozidan aziyat chekadi, tibbiy muolaja va dori-darmon mablag‘i yo‘q, otasining esa tayinli ish joyi.
Shunga qaramasdan Doniyorni xalqaro olimpiadalarda ishtirok etishga tavsiya etishsa, uning ota-onasi qarindosh-urug‘laridan qarz ko‘taradi. Ba’zida ishlashga majbur bo‘lgan Doniyor olimpiadalarda ishtirok eta olmaydi.
“Shunday tang ahvolda qolgan oila bilan shu vaqtgacha ‘Uyma-uy yurib muammo o‘rganyapmiz’, deydigan deputatlar, boshqa mutasaddilar va Yoshlar ittifoqining Buxoro viloyati kengashi qiziqqanmikan?”, — deyiladi maqolada.
Izoh (0)