Eron Oliy sudi oltin savdogari — ikki tonna oltin tanga to‘plagan “tangalar sultoni” Vohid Mazluminni o‘lim jazosiga hukm qildi. Bu haqda “RBK” xabar berdi.
Xabar berilishicha, iqtisodiy jinoyatlar bo‘yicha maxsus sud Mazluminni mamlakat iqtisodiyotiga zarar yetkazgan jinoiy tarmoq tuzish va boshqarish orqali firibgarlik qilish aybi bilan o‘lim jazosiga hukm qilgan. Appelyatsiya berish bosqichida hukm yakuniy deb topilgan.
“Tangalar sultoni” mamlakatda noqonuniy oltin tangalar bozorini yaratgan. Oltinni sotib olish uchun u yordamchilarni jalb qilgan. Politsiya yana ikki kishini qo‘lga olgan. Qo‘lga olish vaqtida ularda 20 kilogramm oltin topilgan. Mazlumin jami ikki tonna oltin to‘plagan va uni sotib, ulkan daromad olgan.
Izoh (0)