Hindistonning Uttar-Pradesh shtatidagi Tikri shahrida bir guruh maymunlar 72 yoshli erkakning boshiga g‘isht bilan urib, uni o‘ldirib qo‘ydi, deb yozadi “RIA Novosti”.
Keksa erkak daraxtdan tushgan shox-shabbalarni terayotgan vaqtda unga daraxt ustidagi maymunlar hujum qilgan. Jonivorlar uy tomiga yig‘ib qo‘yilgan g‘ishtlarni erkakka qarata uloqtira boshlagan.
Marhumning ukasining so‘zlab berishicha, erkakka 20 ta g‘isht uloqtirilgan. U boshi va ko‘kragidan jarohat olgan, aynan shu jarohatlar oqibatida shifoxonada vafot etgan.
Erkakning oila a’zolari politsiyaga murojaat qilib, maymunlar ustidan shikoyat qilgan. Biroq politsiya ushbu holatni baxtsiz hodisa deb topdi va jinoiy ish qo‘zg‘atmaslikka qaror qildi.
Mahalliy aholi vakillarining so‘zlariga ko‘ra, maymunlar ularning hayotini “Jahannam”ga aylantirgan. Yuqoridagi kabi holat hududda tez-tez sodir bo‘lib turadi.
Izoh (0)