Qozog‘istondagi Hit tv kanalining yo‘qolgan jurnalisti o‘lik holda topildi

Jurnalist Aygerim Musayeva oilaviy janjaldan so‘ng yo‘qolib qolgan edi, deb xabar beradi “Tengrinews”.

Uning jasadi Olmaota shahrining Turksibsk tumanidan topildi.

“20-oktabr kuni soat 00:20 da Turksibsk tumanidan o‘tgan temiryo‘ldan yosh ayolning jasadi topildi. Ayolni teplovoz urib ketgani aniqlandi. Jasadning yonidan shaxsni tasdiqlovchi hujjatlar topilmagan. Sud-tibbiy ekspertiza o‘tkazish uchun jasad shahar o‘likxonasiga yuborildi”, — deyiladi xabarda.

Keyinroq marhumaning jasadini uning ukasi tanigan.

Ma’lum bo‘lishicha, 20-oktabr kuni soat 17:05 da ayolning turmush o‘rtog‘i militsiyaga qo‘ng‘iroq qilib, 1991-yilda tug‘ilgan rafiqasi Aygerim Musayevaning oilaviy janjal oqibatida uydan chiqib ketib, qaytmaganligini ma’lum qilgan.

Hozirda holat yuzasidan surishtiruv ishlari olib borilmoqda.