Toshkent shahar hokimligi tomonidan “O‘zbek tiligi davlat tili maqomi berilganligining 29 yilligi” munosabati bilan “O‘zbek tilim – jon-u dilim” ommaviy aksiyasi tashkil etildi. Bu hadqa hokimlik matbuot xizmati xabar berdi.
Aksiya tadbirlari O‘zbekiston jurnalistika va ommaviy kommunikatsiyalar universiteti hamda O‘zbekiston Milliy universitetida bo‘lib o‘tdi. Har bir ta’lim muassasasidagi tadbirlarda 100 dan ortiq talaba-yoshlar faol ishtirok etishdi.
Aksiya davomida yoshlarning ona tilimizga bo‘lgan muhabbatini yuksaltirish maqsadida “O‘zbek tili bilimdoni” va “Savolga javob berish va mukofot olish” kabi turli viktorinalar ham o‘tkazildi. Ularda ishtirokchilarning tilimiz taraqqiyotiga xizmat qilgan buyuk ajdodlarimiz faoliyatiga doir savodxonligi aniqlandi.
Talabalar savollarga javob berish barobarida ona tilimizda bitilgan betakror satrlarni yod o‘qib, ularning mazmun-mohiyatini ham tushuntirib berdilar. Viktorina g‘oliblari Toshkent shahar hokimining qimmatbaho sovrinlari bilan taqdirlandi.
Aksiya tadbirlari 21-oktabr (yakshanba) kuni ham poytaxtning G‘ofur G‘ulom nomli parki va “Xalqlar do‘stligi” maydonida bo‘lib o‘tishi rejalashtirilgan.
Izoh (0)