Toshkent shahrida “Do‘stlik” festivali o’tkazilmoqda

Toshkent shahrining “Saylgoh” ko‘chasi hamda yangi rus adabiyotining asoschisi — A.S.Pushkin haykali atrofida O‘zbekiston Respublikasi va Rossiya Federatsiyasi o‘rtasidagi birinchi hududlararo Forum “Do‘stlik” festivali doirasida kitob yarmarkasi tashkil etildi. Bu Matbuot va axborot agentligi matbuot xizmati xabar berdi.

Toshkent shahar hokimligi, O‘zbekiston matbuot va axborot agentligining tizimdagi nashriyot-matbaa ijodiy uylari va Toshkent shahar hududiy boshqarmasi hamkorligida o‘tkazilayotgan yarmarkada o‘zbek va rus adabiyotshunos olimlari, yozuvchi va shoirlarining kitoblari arzonlashtirilgan narxlarda sotuvga qo‘yildi.

Shuningdek, madaniy tadbirlarda mutasaddi tashkilotlar tomonidan milliy va zamonaviy hunarmandchilik ko‘rgazmasi, o‘zbek rassomlarining asarlari, sahnalashtirilgan teatr tomoshalari, raqs konsert dasturlari, milliy taomlarning tayyorlanishi va ularning savdosi ham tashkillashtirildi.

“Do‘stlik” shiori ostida madaniy tadbirlar va kitob yarmarkasi davom etmoqda.