Kerch shahridagi texnikumda yuz bergan portlashda halok bo‘lganlar soni 19 kishiga yetdi. Yana bir kishi olgan jarohatlari sababli shifoxonada halok bo‘ldi. Bu haqda “Exo Moskvi” xabar bermoqda, deb yozadi “Korrespondent.net”.
Avvalroq Rossiya Tergov qo‘mitasi 17 nafar qurbon haqida ma’lum qilgan edi. Dastlab 18 ta jasad topilgan. Keyinroq ulardan biri jinoyatchiga tegishli ekanligi ma’lum bo‘lgan. Ma’lumotlar aniqlashtirilgandan so‘ng hujumni amalga oshirgan o‘smirni hisobga olmaganda 17 kishi qurbon bo‘lganligi bildirilgan.
Oxirgi ma’lumotlarga qaraganda, 39 kishi shifoxonalarga joylashtirilgan.
Hujumni amalga oshirgan yigitning shaxsi aniqlangan. U kollejning to‘rtinchi kurs talabasi Vladislav Roslyakov bo‘lib chiqdi.
“Mergan” tanaffus vaqtida binoga kirib, ikkinchi qavatga ko‘tarilgan va atrofdagilarning barchasini o‘ldira boshlagan. O‘qlari tugaganda esa birinchi qavatga tushib, bombani portlatgan.
Izoh (0)