Qrimning Kerch shahri texnologiya texnikumidagi portlashda yarador bo‘lganlarni tashish uchun tibbiy yordam mashinalari yetmayapti. Bu haqda “Kerch.FM” portali ma’lum qildi.
Transportirovka uchun jamoat transporti jalb etildi, hodisa joyiga harbiy mashinalar va avariya-gaz xizmati yetib keldi.
Guvohlar jabrlanganlar juda ko‘pligi, ularni olib ketayotgan mashinalarning keti uzilmayotganini ta’kidlamoqda.
Texnikumdagi portlash 17-oktabr kunduzi sodir bo‘ldi. Binoda gaz balloni portlagani bildirilmoqda. Hodisa oqibatida 10 kishi halok bo‘ldi, 50 kishi yaralandi.
Izoh (0)