Rossiyaning Rostov-Don shahrida joriy yil 26—29-oktabr kunlari pazandalik festivali bo‘lib o‘tadi. Bu haqda Sputnik xabar bermoqda.
Festivalning asosiy taomi o‘zbek palovi bo‘ladi. Ushbu tadbirda Rossiyada o‘ziga xos rekord o‘rnatishi rejalashtirilgan. Uning doirasida 1500 kishi uchun osh pishiriladi va bir necha master-klass bo‘lib o‘tadi. Osh pishirishga qiziquvchilar esa tanlovlarda qatnashadi.
Palov tayyorlashda o‘zbekistonlik mashhur oshpazlar, “Osiyo” o‘zbek madaniy markazi rahbari Qiyomxon Boboyev, O‘zbekiston Bosh oshpazlari assotsiatsiyasi a’zosi Hamid Umarov ishtirok etadi.
Tadbirda qatnashish uchun Moskvadan O‘zbekiston elchixonasi vakillari ham keladi. Milliy taom milliy musiqa sadolari ostida pishiriladi. Tashkilotchilar barchani o‘zbek palovi, achchiq-chuchuk va issiq kulcha non bilan siylashni va’da qilmoqda.
Izoh (0)