Tramp iqlim o‘zgarishlariga e’tibor bermasligini aytdi

AQSh prezidenti Donald Tramp CBS telekanaliga bergan intervyusida iqlim o‘zgarishlari oqibatlarini bartaraf etish uchun trillion dollarlarni yo‘q qilishni istamasligini aytdi, deb xabar beradi “Korrespondent.net”.

Jurnalist Trampdan iqlim o‘zgarishlariga ishonish-ishonmasligini so‘ragan.

“O‘ylashimcha, nimadir sodir bo‘lyapti, nimadir o‘zgaryapti, keyin esa ortga o‘zgaryapti. Buning uchun odam javobgarmi yoki yo‘qligini bilmayman”, — deb javob bergan Amerika yetakchisi.

Trampning aytishicha, u trillion dollarlarni berishni va millionlab ish o‘rinlarini yo‘qotishni, bunchalik foydasiz holatda qolishni xohlamaydi.

U fan dunyosi tomonidan qilinayotgan iqlim asosan odam faoliyati sababli o‘zgarayotgani va o‘zgarishlar xavfli tus olayotgani haqidagi taxminlariga ishonmaydi. “Olimlarda ham siyosiy kun tartibi bor”, — deb ta’kidlagan Tramp.